فى دروب صعبة و بعيدة…
نمشي فوق نزف الخواطر,
نطوى فالبعد المسافة.
ياما بالاشواق رجيتك!,لانى قادره على بعادك لا الحضور يلغى المخافة,
شان شروقك فحياتي الا بس يطوى المسافة,
لكن الشوق تكوى نارو الروح و تبكيها الرهافة.
..واستخرت لقيتك انت الجاى شايل لى حنينك,
ضاوى شمعات المسره و ناسى اناتى و انينك.
باقى لى تذكر لقانا؟!,يوم لقيتنى و يوم لقيتك,
يوم نزف قلبي و قليبك من جرح عمري و سنينك,
يوم رحل فينا التمنى و بقيت كانى و انك انت
الريشه فزمن التجني,
لا نسايم تغشي فينا,ولا سنيننا القلنا حلوة
هن رجنك او رجني,
الا بس تبعد تسافر و عن موانينا السعيدة
ابعدنك و ابعدني,
وبقينا نبكى على خطانا و فعروقنا الدم يفور,
ومد فيض دمعات عيوننا بين موانيناالجسور.
واستخرت لقيتك انت الجاى ما دد لى ايديك,
لا فرح جمع قلوبنا و لا سرورا جابنى ليك,
الا بس كانت ما سى من زمن غدار و قاسي صادفت
فينا الرهافه و قالت:”ااااااه… لو اصطليك,والغي
فيك جميع الامانى شان اشوف دمعه عينيك!!.”
والبداية جذورا لسة,عايشه فجوانا هسة,
واصبحت بيناتنا قصة,
لاقدرت تكون بدونى و لا بغيرك اقدر ارسى.
واستخرت و تانى مره طيفك انت عاد و مر
والحنين فاستمر لو يعود فكل مرة,
الا بس كانت هواجس و المخاوف مستمرة!!!
فى الحلم كانت امانى و استلذيت المسرة,
يوم…..صبح يوم من سنينى و ضقت طعم الدنيا مرة,
وعدت اترجي الشجون لو تغيب ,
ترجع تعاود.
لانفع دمع العيون او بكي الارواح يهاود,
وبعد ما كانت عيوني بتبكي شان شافت شجونك,
والشجون جواى كانت تمضى لو مرت عيونك,
والفرح القلنا مر لايخونى و لا يخونك,
رافق الطيف يوم رحيلك ما قدر يكون بدونك.
شفت كيف لما الامانى تصبح احلام مستحيلة.!!؟
مهما نحلم و نحن نبكى و كانت الاحلام قليلة,
والشجون جوانا ساكنه بتصبح احلام مستحيلة,
تصبح احلام مستحيلة!!!!!!!!.
- اسم حنين في بيت شعر
- شعر عن اسم حنين
- شعر باسم حنين
- شعر غزل لاسم حنين
- شعر على اسم حنين
- شعر قصير عن اسم حنين
- شعر بإسم حنين
- بيت شعر لاسم حنين
- شعر اسم حنين
- شعر بأسم حنين