الرساله الاولى:
عرفت ابكى من الفرحه
عرفت اضحك من الاحزان
عرفت ان الدموع ارحم و اصدق من يواسيني
عرفت ان الوهم دربى و لا فيه من يقدرني
عرفت ان الزمن خوان
عرفت ان العيون الي بكت لى امس
جت اليوم تبكيني!!
———-
الرساله الثانية:
عفية على قلبك و عفية عليك انت
تبى الصراحة زين سويت فيني
مشكلتى انني على حبك ادمنت
وبك بساطة قلتها ما تبيني
عفية على قلبك و شكرا و لا هنت
تبى الحقيقة بيدى اعميت عيني!!
———-
الرساله الثالثة:
البارحة فلذيذ النوم لاقيته
حلوم جابت حبيب الروح خداعه
فزيت ارحب و دمع العين هليته
رميت نفسي و جا راسي على ذراعه
وقعدت اضمة و فوق الصدر لميته
واثرنى اضم الوسادة صارلى ساعه!!
———-
الرساله الرابعة:
دنيا غريبة و البشر مثلها اغراب
لو هي صفت لك ما صفوا لك بشرها
تعطيك من لذتها جميع ما طاب
تغريك بعدها تغرقك فبحرها
وانا عطتنى دنيتى الزين و الشعر منها شاب
واللى بنا دنيتى هو نفسة الي دمرهاز
———-
الرساله الخامسة:
من عادتى ما دس درب الصداقة دس
العب على المكشوف و اكشف سواده
من مدلى يمناة مديت له خمس
ومن صد عنى عفت شوفت بلاده
لانى عزيز و عزتى تحكم النفس
والنفس ما ترضي بهون المكاده
———-
الرساله السادسة:
مثل النسيم العذب تجرح سكوتي
تسرق بقايا ضحكتى و سط الاصحاب
احاكى اصحابي و هم يسمعوني
وقلبي معك و كنهم عندي اغراب
وعنك يحاول بعضهم يسالوني
متى؟
وكيف؟
ووين؟
اصبحتوا احباب؟؟
———-
الرساله السابعة:
ابشتكيلك دامك اعز الاصحاب
شكوي جريح يبتسم فو نينه
جرح احسبة طاب و اثرية ما طاب
خلا دموع العين تنزف حزينه
جرح مع القلب حاضر و لا غاب
خلا همومى فقلبي سجينه
ماهي جروح الحب الام الاحباب
جرح الصديق الي غلاتة ثمينه
———-
الرساله الثامنة:
الضحك ما هو علامة مستريح
والبكى احيان ما يوحى بحزن
خذ كمني: انا قلبي جريح
وابتسم لك من غرابيل و شجن
وان بكيت يجوز ابكى من صحيح
من جرح،
من ظلم،
من صدمه زمن
او يجوز ابكى علشان استريح
او نتيجة شوق او خل طعن
———-
الرساله التاسعة:
مات الحكى و احرجنى الموقف احراج
وعجزت اعبر عن هواى اعذريني
ما غير جملة حطها الخوف بسياج
(قلبي يحبك حيل لا تتركيني)
نطقتها اخشي اسبب لك ازعاج
ولولا الغلا ما قلتها صدقيني
———-