المقادير:3 كاس بسمتى منقوع 2 و نصف كيلو لحم ضانى طماطم مكعبات بصل مكعبات البهارات المطحونه عبارة عن (حبهان مطحون .
بهار كبسه .
كركم .
كزبره ناعمه .
ملح .
فلفل اسود .
بابريكا ) البهارات الصحيحة (2 ورق لورو .
3 لمون ناشف .
10 فصوص حبهان صحيح .
10 فصوص قرنفل صحيح.
2 عود قرفه ) ربع كاس زيت التحضير:هنجيب اللحمه و نحطها ببوله
وهنجيب البهارات المطحونه و نحط من جميع بهار ملعقتين ما عدا الفلفل الاسود و نحطها بطبق
و ثم البهارات دية هنجزئها 3 اجزاء و نقلبهم كلهم مع بعضهم اول جزء هنتبل بية اللحمة
هنجيب بعد كدة صينية نحط بها الزيت و البصل
و ثم ننزل باللحمة
و ثم نقلبها تاخد لون حلو
ننزل بالطماطم المكعبات و الميه المغلية بحيث تغطى الحمة
ونسيبها تستوى على البوتجاز من فوق
و ثم نسيبها تتشرب الميه لحد ما تبقي ربع الصينية الطهي: نشيل اللحمه من الشوربه دية و ناخد الشوربه و نحطها بحله و نزود عليها ميه و نحط البهارات الصحيحة و الجزء التانى من البهارات المطحونه و نسيبها تغلى على النار
و ثم نحط الرز لما الميه تغلى و نحط ملعقه صلصه طماطم
عندنا فاضل من البهارات المطحونه الجزء التالت و الاخير
هنحطة على اللحمه مع ملعقه زيت و ندخلها بصنينه بالفرن معلش مصورتش الخطوه ديه
و ثم نوطى على النار لما الرز يتشرب الميه بتاعته
بالتاكيد هنشيل اللمون الناشف و القرف قبل ما ننزلة على الطبق بتاع التقديم
هنزينة بالصنوبر و اللوز و البندق