طريقة عمل القطايف السورية

وفي بولا تانيه هنحط الخميره و السكر و المياة مع بعض و نخلطهم و نضيفهم على خليط الدقيق و نخلطهم كويس جدا جدا بالمضرب اليدوى(الويسلك)او الخلاط اليدوي الكهربائي لغايه ما نتاكد ان مفيش اي كلاكيع فالعجينه نغطي العجينه و نسيبها تختمر مدة ساعة فمكان دافي و نبدا نجهز القشطة دي صورة لمكونات القشطة هنحط الفانيليا و النشا على اللبن هنقلبهم كويس جدا جدا قبل ما نحطهم على النار لغايه ما النشا تدوب فاللبن و هنحطهم على النار و نقلبهم لغايه ما الخليط يتكاثف و لما نطفي النار نحط عليهم علبه القشطة و نقلبهم كويس لغايه ما جميع المكونات تتجانس هنحط القشطة فالتلاجه لغايه ما نحضر القطايف نرجع تاني لعجينه القطايف بالنسبة لسواء عجينه القطايف بالتاكيد لازم مقلاه غير لاصقه و به ناس بيحطو العجينه فالمقلاه بالملعقه و به ناس بالقمع البلاستيك بس انا و جدت اقوى حاجة و اسهلها هو ابريق الشاي هنملا ابريق الشاي بالعجينه و نغطية بالتاكيد هنسخن المقلاه على النار قبل ما ننزل عليها عجينه القطايف بالتاكيد هي مش بتاخد وقت خالص على النار لما تدخل فالسواء هتعمل فقاقيع زي الصورة كدة احنا ما شيين صح و العجينه مختمره هنشكل العجينه هنقفلها عادي زي ما بنحشيها و نقليها فالزيت بس الفرق المره دي هنقفلها و هي فاضية و هنسيب ربعها مفتوح دة شكلهم بعد ما قفلتهم قبل ما احشيهم بالقشطة و دة شكل الطبق النهائي بعد ما حشتهم و حطيت عليهم البندق المجروش و عسل النحل يارب موضوعي البسيط دة يصبح عجبكم