شعور سخيف
انك تحس بان و طنك شيء ضعيف
صوتك ضعيف
رايك ضعيف
انك تبيع قلبك و جسمك
وانك تبيع قلمك و اسمك
ما يجيبوش حق الرغيف
سالوا جحا عن سر ضحكه
قالك اصل اتنين و شبكو
اللي كان من تحت ميت
واللي كان من فوق كفيف
دا شعور سخيف
وشعور سخيف
انك تكون رمز الشحاتة
تبني مبني للشحاتة
تعمل و زراه للشحاتة
يا ساقيه دوري … عدي فوقي و دوسى
نصبوا عليا و شحتوني فلوسى
ربطوني فيكي .
.
حتي ما اتغميت
هما الي فرحوا و وحدي انا اتغميت
انا الي صاحب المنزل
عايش بدون لازمة
ولما مره شكيت
ادوني بالجزمة
مش لاقى تطفح اديك
هاتولنا .
.
و جيبولنا .
.
و ادونا .
.
ودونا
هنجيب منين نديك
مش لاقى تطفح اديك
طافح يا بلدى غدايا
ولوعتى غدايه
و ادى الاحبة التقوا
و اتجمعوا عدايا
انا الي زارعك ذهب
بتاكليني سباخ
ان كان ده تقل و دلع
بزياده دلعك باخ
لا شفت فيكي هنا
ولا شفت فيكي ترف
كل الي فيكي قرف
كرامتنا متهانة
واللقمه باهانة
بتخلفينا لية لما انتي كارهانا
يعني اية تبقي انتي هبه النيل يا مزة
وكل يوم الميه تقطع
يعني اية لما اشتكي غلو الفاتورة
يقولو تشكي بس تدفع
لما قش الرز ثروه بتتحرق
واما نفط الامه ثروه بتتسرق
واما جلادك على و لادك بيبطش
واما علمك ما يلاقيش ياكل فيطفش
يعني اية نرفع ايدينا بالسلام لجل الغزاة
ويعني اية لما ابقي ما شي فحالي اتشد اشتباه
يعني اية لما اتحبس اربع سنين حبس احتياطى
حبس اعتباطي
يعني اية مش حاسه بالعمر و غلاوته
بتصبي مر العمر ليه
ده انا كنت ح اوهب لك حلاوته
انا عمري ما اتامرت
ولا حطيت شروطى
ومكان ما ترسي مركبك
بابني شطوطى
انا كنت جيشك لما مماليلك باعوكى
وكنت يوسف لما عشتي سنين عجاف
وضلوعي دي الي فمعركه قادش حموكى
وشفايفي دي الي ما بطلتش فيوم هتاف
ده انا جميع شبر فارضك اتمرمغت فيه
وكل يوم عشتيه
انا اتغذبت بيه
بتكرهيني عيونك السودة
وايامي الي فاتت
مانتيش حبيبيتي من النهاردة
حبيبتي ما تت
علي صوت ادانك جرس
في الشده صاحينلك
من امتي كانوا الحرس
هما الي باقينلك
بعتيني علشانهم
وعنيكي معصوبة
ياهل تري خاينة
ولا زيي مغصوبة
كل الكلام اتقال
والشعر بقي ما سخ
والصبر علو جبال
والظلم شيء راسخ
وطن و غرقان فالنطاعة
كل شيء ريحتة نطاعة
علمونا بالعصاية
ورضعونا الخوف رضاعة
علمونا فالمدارس
يعني اية كلمه قيام
علمونا نخاف من الناظر
فيتمنع الكلام
علمونا كيف نخاف
وازاي نكش
بس نسيوا يعلمونا الاحترام
فمتزعلوش
لما ابقي مش باسمع كلامكم
وماتزعلوش لما ابقي خارج عن النظام
مستني اية من طفل ربوة بالزعاق
غير المشاكل و الخناق
كل الي بيقولك بحبك دول نفاق
انا لما قلت لك بحبك
كان نفاق
الحب يعني اتين بيدوا
مش ايد بتبني و ستميت تيت تيت يهدو
الحب حالة
الحب مش شعر و قوالة
الحب يعني براح فقلب العاشقين للمعشوقين
يعني الغلابه يناموا فالليل دفيانين
الحب يعني جواب لكل المسجونين
هما لية بقوا مسجونين
يعني اعيش علشان هدف
علشان رسالة
يعني احس بقيمتي فيكى
اني مش عايش عوالة
يعني لما اعرق تكافئيي بعدالة
الحب حالة
الحب مش شعر و قوالة
الحب حاجة ما تتوجدش فو سط ناس
بتجيب غداها من صناديق الزبالة
بارت مراعينا و البئر ربما جف
والجوع يكوينا و الصبر ما كفى
والقلب لا يهدا و الجرح لا يشفى
ولاننا طوع
زنا لهم خفا
جاءوا بموكبهم
واشتغلت الزفة
الدفه مظبوطة
واصلا ما فيش دفة
والكفه مش ما يلة
علشان ما فيش كفة
و جحا الي جاي بالليل لساة بيتخفى
شايف ديدان الغيط سارحه و ما رحماشى
من جبنة شاف الدود سابة و راح ما شى
ولا اتكسف للناس
ولا حس على طوله
الناس عشمها كبير جريوا بيشكوله
ضحك جحا ضحكه مواشى
مادام بعيد عن طيني … ما شى
الدود قاعد لك يا جحا و لابد فطينك
بعد ما يمص فدمانا مش حيحلالة الا طينك
احنا اهلك
احنا رجالتك عمادك
احنا وقت الشده سندك
احنا زادك
يا جحا احمي و لادك
لو كنت عايز تحمي طينك
سوف ارحل
ربما يلقاني من ارجو لقاه
هامشي و يا الشحاتين
وابكي على حلمي الي تاه
بس مش هاشحت رغيف
هاشحت وطن لله
لا انا نقصان و لا ضعفان
ولا مسطول و لا سكران
ولا زايغ من عيني الضي
ولا حد اقوى منى فشي
بس بغير
واللى قالولك غيره الراجل قله ثقه او قله فهم
خلق حمير
غيره الراجل نار فمراجل
نار بتنور ما بتحرقش
واحنا صعايده بنستحملش
شمسنا حاميه و عرقنا حامي و طبعنا حامي
واللى تخلى صعيدى يحبها
يبقي يا غلبها
اصلنا ناس على ربما الطيبة
كلنا هيبة
والنسوان فبلادنا جواهر
طب لو عندك حته ما س
حتخليها مداس للناس؟؟
ولا حتقفلى اوضه عليها بميت ترباس
يمكن حتي تاجرى ليها جوزين حراس
يبقي انا لا انا جاهل و لا غافل
كل الفرق ما بينى و بينك انني صعيدي
ينعل ابو دة اليوم الاكحل
اللى لا لية احدث و لا اول
اللى طلعت لقيتنى صعيدي
لو كان بايدي
كنت اعملك هندي بريش
واقلب شعري كنيش كرابيش
والبس لك سلسله متدلدله خرزه و قلب
بس كيف البس لك سلسله ؟
؟
هو انا كلب ؟
؟
ثم العبره ما هيش فاللبس
اصل المشكلة عندك .
.
عندك .
.
قلت حاسيبها و بكره تحس
بعدة تحس
بعدة تحس
دة انا لو جبس كنت زعقت
ماشى صداقه و ما شي زمالة
بس ما جتش على الرجالة
ماهي نسوان الدنيا كتير
وانا ما بقولش تخاصمى الناس
ولا تتحجبى عن الرجالة
ولا تعتكفى و تسكنى دير
بس يا ريت حبه تقدير
انى بحبك
وانى بريدك
وانى زرعت حياتي فايدك
وانى غزلت فتيات الدنيا عقود على جيدك
وانى تعبت من التفكير
وانى بغير
