نزعل و نتكبر و حنا من الطين
والكل منا صد لا اقبل خويه
نفخر نقول انا على الصد قاوين
وهي علينا فالحقيقة قويه
ننسي نهايتنا و على وين ما شين
وننسي الزمان الي جمعنا سويه
المشكلة ما هي ب حاجة ل تخمين
ولاهى بعد ياناس صعبة القضيه
دق الرقم : كيفك هلا فيك و اهلين
انا الخوى الي مزعل خويه
قلة : تغيب و صورتك داخل العين
ويبقي ل حبك فخفوقى بقيه
اخوان حنا لو يجى بيننا شين
و ما نفترق دام المحبه نديه
خلك قوي لاتحتكرك الشياطين
قبل الفوات و قبل وقت المنيه
كلم اخوك ب اطيب الهرج و اللين
واعرف رائع الهرج يمسح رديه
هذي هي الدنيا من الحين ل الحين
لابد بين الناس تحصل خطيه
ومن لايقدر غلطه احبابة الحين
يقرا حروفى و يعتبرها هديه
باكر تمر سنين و سنين و سنين
والكل يرحل فالدروب المديه
صدقنى تندم و اذكر حروفنا زي
تندم على خلك اذا غاب ضيه
دنيا غريبة و اكثر الناس ما شي
وكم صاحب و الله دفنتة ب يديه
