والصلاة على اشرف الانبياء والمرسلين
اتيت ولا املك غير قلمي الذي سانثر حبره في صفحات هذا المنتدى الراقي
رواية امانه لاتجي منك مواقف تجرح الاحساس للكاتبه بسمة طفلة
يسعدني ان اتلقى اراءكم وانتقداتكم بصدر رحب
الراويه :
امانه لاتجي منك مواقف تجرح الاحساس … انا من غيرك اشكي له اذا صار الزمن
قاسي
وامانه لاتخليني على همي اعد خطاي … انا قلبي يعذبني وفكري بالسماء سارح
وامانه لاتخبيني اذا نفسك تبي فرقاي … انا مابي يجي لي يوم واكون لعزتي جارح
_____________________________________________
مريم : ريمووووووه ياغبيه
ريم:والله ما الغبي الا انتي
مريم : حسني كلامك
ريم : لا والله تسبيني وتبينني اسكت
مريم بغرور : ايوه اكيد
ريم : مابقى الا هذي
دخلت مرام وشافتهن يتهاوشن
مرام : نفسي بيوم ادخل واشوفكن ماتتهاوشن
مريم وريم ناظرنها بنظرات اجرام وهن ناويات عليها
مرام فهمت نظرتهن
مرام : افركككككككييييي يابنت……..وطلعت من الغرفه وهي تركض
البنات:هههههههههههههههههههه
ريم : الا وش كنتي بتقولين لي ؟؟
مريم : كنت بقولك ليش مانتصل على بنات عمي ونطلع لاي مكان
ريم : والله فكره روووع
———————————————————–
عائلة ابو محمد
الاب ( ابو محمد) ناصر : حنوون ويحب اولاده بالمره ويحب يمشي رايه
الام ( ام محمد) جواهر : مغروره ودايم رافعه خشمها وتحب الطلعات والفشخره
محمد: عمره 25 سنه مملك على بنت عمه ندى وهو شخصيه هاديه بالمره ويشتغل بالشرطه
شعره بني طويل لرقبته وهو اسمر شوي وعيونه خضراء وحاده وجسمه عضلات وهو طويل شوي
مريم وريم : توام مهبل ومرجوجات بالمره يعني ودك دايم تجلس معهن على خفة دمهن
ودايم يتهاوشن لكنهن يحبن بعض اعمارهن 21
شعورهن طوال لين الفخذ تقريبا وسمر شوي وعيونهن خضر وهن نحاف بس جسمهن مليان وطولهن
متوسط
احمد : مخبول مثل خواته ويحب الضحك والفرفشه عمره 20 سنه
شعره بني طويل شوي يعني لين تحت الاذن وهو اسمر شوي وعيونه خضراء وجسمه رياضي
وعضلات وطوله متوسط
مرام : اخر العنقود سكر معقود مثل خواتها مهبوله ومرجوجه عمرها 17 سنه
شعرها بني لين رقبتها قاصته الفراوله وسمراء شوي وعيونها خضر وجسمها حلوو
——————————————————-
ونزلن للصاله شافن مرام تتابع برنامج بملل
ريم : مرومه نبغى نطلع مع بنات عمي تجين معنا ؟؟
ابو محمد : لا ابغى اتكلم معكم… وين الباقين ؟؟
مريم : ماما كالعاده طالعه ومحمد بمكتبه واحمد ببيت عموو
ابو محمد وهو يطلع الجوال. : مريم بابا روحي نادي اخوك…وانتي ياريم اتصلي على احمد
مريم وريم : من عنوني
ابو محمد بابتسامه : تسلم عنونكن
ابو محمد : الووو
االطرف الثاني : نعم؟؟
ناصر ( ابو محمد ) :تعالي للبيت انتظرك
جواهر : لا انا بحفله وحده من خوياتي مو الحين اجي
ناصر : انا مااطلب منك انا اامرك واذا ماجيتي الحين والله يكون معك حساب ثاني
جواهر : اووووف طيب
ناصر سكر الجوال بوجهها
محمد ومريم وهم يطلعون من الاصنصير
محمد : سم يبه تقول مريم انك طالبني
ناصر : مو بس انت ابغاكم كلكم……اجلسوا
ريم : بابا يقول احمد مسافة الطريق وانا جاي
5 دقايق كل العائله مجتمعه بالصاله
جواهر : وش الشي الي مخليك تتصل علي عشان اجي
ناصر ناظرها بنظره حاده ولا عبرها :اسمعوا ياعيالي بما اننا بالعطله الصيفيه وماعندكم شي قررنا
انا واخواني اننا نسافر بكم للمكان الي انتم تبون
البنات واحمد بصراخ: هييييييييييييييي
ناصر بحده : بسسسسسس
جواهر بقهر : الحين انت مناديني من هناك علشان تقول كذا؟؟
ناصر : ايه واذا ماعجبك الله مكثر الجدران
جواهر انقرهت وسكتت ماقدرت ترد عليه لانها تعرف انها المهزومه دائما..وطلعت فوق
ناصر : والحين وين ودكم تروحون ؟؟
ريم : ايطاليا
احمد ومرام ومريم : بريطانيا
ناصر : وانت يامحمد ؟؟
محمد : الشور شورك يبه
ناصر : خلاص بريطانيا بريطانيا
ريم بحزن : لاااااا
مريم بشماته : خخخخ ياحوووووولي خخخ هع هع
ريم : انتي جب ولا كلمه
ناصر : على الاقل سوو احترام للي قدامكم
البنات : اسفين بابا
مرام : طيب ياحضرة الوزير ممكن الحين نطلع ؟؟
ناصر بابتسامه : اكييييد .. وقبل لااطلع بقولكم قولوا لخالتكم علشان يتجهزون
مريم باستغراب : ليه عموو سعيد وافق ؟؟
ناصر :لا مايدري بس مو على كيفه يحبس بناته وزوجته..يالله سلام ( وطلع )
محمد : عن اذنكم
البنات اذنك معك
احمد : اكيد اذنه معه اجل وين بتكون
محمد طلع ولاعبرهم ولا بابتسامه
احمد : اووووووف الله يعين مرته عليه
محمد سمعه : سمعتك
احمد : خخخخ
احمد : يالله حتى انا بطلع …بايوو
البنات : بايات
مريم : مرام انتي اتصلي على شذى وسحر ..وانا بتصل على ندى ..وانتي ياريم اتصلي
على الماس
ريم ومرام : اووووووك
كل وحده راحت تتصل
———————————————————
عائلة ابو فيصل
الاب ( ابو فيصل ) فايز : اب حنون على اولاده ولا يرد لهم طلب
الام ( ام فايز ) نوره : ربة بيت حنونه جدا على اولادها و زوجها
واولادها اغلى شي عندها بعد وفاة اهلها
فيصل : عاقل وثقل عمره 25 سنه وهادي يشتغل مع بشركتهم
شعره اسود فاحم لين اذنه وهو لونه اسمراني شوي وعيونه عسلي فاتح وحاده وجسمه رياضي
وطوله متوسط
الماس :عمرها 23 سنه خفيفة دم وطيووبه على نياتها وخجووله
شعرها بلون الشوكلاته لين نص ظهرها وهي مو سمراء ولا بيضاء وعيونها عسلي فاااتح وجسمها
حلو وطويله شوي
ريماس : خفيفة دم وعربجيه عمرها 18سنه ومرجوجه درجه اولى وهي جريئه
شعرها لين كتوفها كستنائي وهي مو سمراء ولا بيضاء وعيونها عسلي فتح وجمسها حلو وطولها
متوسط
—————————————————–
عائلة ام راشد
الاب ( ابو راشد ) ابراهيم متوفي له 16 سنه
الام ( ام راشد ) ناديه : حنونه بالمره على اولادها وصايره لهم الام والاب
وهي دكتوره
راشد : شخصيته نفس شخصية احمد ونفس التفكير بكل شي عمره 19 سنه
شعره لين رقبته لونه اسود وهو ابيض وعيونه رماديه وجسمه رياضي وطوله متوسط
شذى : عمرها 17 سنه مرجوجه وخفيفة دم وحبوبه بس لسانها اطول منها
شعرها بني وطويل لنص ظهرها وهي بيضاء وهي نحيفه وقزماء شوي
—————————————————-
عائلة ابو ماجد
الاب ( ابو ماجد ) فواز: صارم وعصبي لكنه حبوب وخفيف دم
الام ( ام ماجد ) بدريه حبوبه وتحب اولادها مرره
ماجد : شخصيته مثل شخصية محمد بس خفيف دم >> من عاشر قوم( اقول لا
يكثر ) عمره 24 سنه
شعره لين رقبته وبني فاتح وهو مو ابيض ولا اسمر بس يميل للبياض وعيونه سود
وجسمه معضل وطوله متوسط
سند وفهد : توام عمرهم 23 فهد كل ماشاف سند ومريم ينفر منهم ولا يحب
يجلس معهم وبيتضح ليش بالاجزاء الجايه
شعرهم اسود لين اذانهم وهم سمر شوووووي وعيونهم بني فاتح واجسامه معضله وطويلين شوي
ندى : خطيبة محمد هاديه وناعمه بالمره عكس بنات عمها خخخ عمره 20 سنه
شعرها اسود لين خصرها وهي بيضاء وعيونها بني فاتح وطولها متوسط وهي نحيفه شوي
سجى : مرجوووجه ومثل شذى لسانها اطول منها وعمرها 18
شعرها قصير وقاصته الفراوله ولونه اسود وهي بيضاء وعيونها سود وطولها متوسط ونحيفه شوي>> يسمونها
بياض الثلج
