– شيك جدا من برة ومن جوة
– سهل جدا ترويشها واي تعديل عليها يبان
– موتور جبار وشرس 1.6 صوته حلو يمتعك بقيادتها والشد والسحب
– ثابتة جدا على الطريق وفي المناورات والمنحنيات حتى الضيقة لحد سرعة 160كم ثم المناورات
الواسعة حتى 175كم ثم بعد ذلك تمشي في خط مستقيم. (بسبب العفشة وتصميم الايرو دايناميكس)
– الموتور والعفشة متصمم تحت اشراف لوتس الانجليزية وده بيخليها من ناحية القوة والثبات والاداء
الرياضي عموما قوية جدا
– الصاج بتاعها متين وتقيل وليست ورق مثل الكوري ولا خفيف كالياباني، كمان الابواب فيها
دعامات فولاذ عرضية للامان لو لا قدر الله حصل شيء
– نظام منع الانزلاق عند الفرامل abs, ebd لاعطاء تحكم اكتر في السيارة والانحراف بها
اثناء الفرملة
– فيها وسادتين امان للسائق والراكب
– لم اسمع حتى الان شكاوي من الميكانيكا او العفشة او قطع الغيار (مضروبة مثلا)
فقط ما ينتهي عمره يتغير
– موديلاتها في مصر ابتداء من 2006، فعدد السنين اللي هي شغالة فيها قليل وبالتالي
فالاغلب انها مش هتحتاج صيانات كتير ان شاء الله
العيوب:
– ليست اقتصادية في البنزين.. تقريبا الصفيحة (20 لتر) بتعمل 250كم في الطوالي، وحوالي 200كم
في المدينة، وده عالي وصحابها بيقولوا كدة..
– تسارعها مش قد كدة.. في غيرها تكسبها.. زي النيو اكسنت والفيرنا والمازدا ثري، بس
الثبات وقوة الموتور على السرعة العالية تكسب هي ولا يتفوق عليها منهم الا مازدا ثري..
– قطع الغيار غالية سنة يعني اعلى سنة من قطع الياباني، ومش متوفرة اوي وده
ممكن يعطلك في بعض الاحيان لو اتصلت بالبياعين وملقيتهاش او يكلفك لو احتجت قطعة ومكانتش
موجودة غير في التوكيل.
– مش اي ميكانيكي هيحط راسه جواها هيبقى فاهم دي ايه.. فلازم تشوف ميكانيكي يكون
متعود يتعامل معاها.
– عزم الطلوع على الاول مش عالي.. يعني الاداء الرهيب بيبدا من التاني والتالت والسرعات
العالية
– بعض مشاكل التقفيل الداخلي وضعف الخامات اللي ذكرها بعض الملاك، فممكن تسمع صوت او
زرار يقشر او حاجة تتكسر
– الكنبة ورا ضيقة فعلا.. يعني اتنين يا دوب.. لو تلاتة عاديين مش رفيعين هيتحشروا،
ولو طوال القامة 185 وانت طالع هيخبط في السقف خصوصا لو السائق طويل ورجع الكرسي
لورا..
– الكاسيت مفيهوش mp3 ودي بالنسبة لي قطمة لانه كدة ولا له اي لزمة معايا،
يا يتغير (يعني صنايعية تاني) يا تعمل وصلة aux وتشغل الموب على السماعات (هبل طبعا)
يا تجيب mp3 modulator وتحطه في الولاعة بحيث متشحنش الموبايل (فكس)
الخلاصة:
الجين مناسبة لشاب مستريح ماديا، وبيحب يجري على سرعات وعنده طريق يساعد، وعايز امان.
- عايز اسمع مواتير اللي متشحنش
