رواية اما غرام يشرح القلب طاريه كامله

اغالب الليل الحزين الطويل

اغالب الداء المقيم الوبيل

 
اغالب الالام مهما طغت

بحسبي الله ونعم الوكيل

 
فحسبي الله قبيل الشروق

وحسبي الله بعيد الاصيل

 
وحسبي الله اذا رضني

بصدره المشؤوم همي الثقيل

 
وحسبي الله اذا اسبلت

دموعها عين الفقير العليل

 
يا رب انت المرتجى سيدي

انر لخطوتي سواء السبيل

 
قضيت عمري تائها ، ها انا

اعود اذ لم يبق الا القليل

 
الله يدري انني مؤمن

في عمق قلبي رهبة للجليل

 
مهما طغى القبح يظل الهدى

كالطود يختال بوجه جميل

 
انا الشريد اليوم يا سيدي

فاغفر ايا رب لعبد ذليل

 
ذرفت امس دمعتي توبة

ولم تزل على خدودي تسيل

 
يا ليتني ما زلت طفلا وفي

عيني ما زال جمال النخيل

 
ارتل القران يا ليتني

ما زلت طفلا .. في الاهاب النحيل

 
على جبين الحب في مخدعي

يؤزني في الليل صوت الخليل

 
هديل بنتي مثل نور الضحى

اسمع فيها هدهدات العويل

 
تقول يا بابا تريث فلا

اقول الا سامحيني .. هديل

 
للمرحوم ,,غازي القصيبي ,,

 
جالس على مكتبه ,,بنظرات مصدوومة مرعبة كالسوط واشد حدة ينهال بها على ذاك الشخص المواجه
له ,,

كيف يجرؤ على روية الاموااات ,, بل كيف يجرؤ على ذكرهم بهذا الشكل ,,

ايعوود الاموات من ذاااك المكااان ,,كيف لهم ان يعوودوا ؟؟!

احقا الاموات يعودووون ,,

 
…….بصووت غااضب كااسح\وين شفتها ؟؟

سالم \ قبل يومين با السفارة ..سالت ايوب عنها وقالي عن مشكلتها شدني اسمها واسم
الشخص اللي معها

انصدمت لما لقيتهم يحملون نفس اسمك ونفس اسم العائلة ..

…..\ سافرت؟؟

سالم\ والله ما ادري ياطويل العمر .. بس ما اعتقد لان ايووب قال مشكلتها يبيلها
وقت لحتى يتم حلها وتكتمل

اوراقها وبعدين تقدر تسافر ..

 
وقف وخرج من المكتب مثل الاعصااار المدمر معمي عيونه عن كل شيء ..يبي يصدق ..وبنفس
الوقت

مو مصدق لساتها حية معقوولة هي عاايشة .. ويلك من الله ياسالم لا تعلقني با
الاطياااف ..

 
تكفيين كوني ميته ..كووني ميته ..

ياويلك مني ياوييييييييييييييلك ..بتتمني لو كنتي ميته وخااالصة ..

بتتمني لو كنتي طيييييييييييف مو نفس ..

كووني حقيقة علشاااني ,, وكوني طييف علشاان نفسك ,,

ارجعيلي بس اهربي لابعد حد تقدرييينه ,,

كووني عااايشة واحمي نفسك مني احمي نفسك ,,

 
ركب السياارة وبصرخة على الساائق \ السفااااااااااااااااااااارة ..

 
قبل خمس سنوات من الان ,,

 
واقفة على الباب وتسمع صوت مخنووق من البكاء ,, دموعها ماوقفت من سنة وهي على
ها الحال ,,

ياربي الى متى بتتعذب ها العذاب ياربي ارحمها ارحمها وارحمنا يااااارب ..

فتحت الباب ودخلت ومثل كل مرة لقتها جالسة على سجادتها تبكي وتدعي ..

توجهت لها وجلست بجنبها .. حضنت كفوفها بين يديها وقبلتها بمحبة ..

هديل\ يومه استهدي با الله .. مايصير كل اللي تسوينه بنفسك .. الله مايرضى ..
ابوي واحنا مانرضى

يومه خففي من حزنك وارجعيلنا ..مصيره يرجع يومه مصيره يرجع وتقر عينك بشوفته ..

متى يرجعلي والدم الى الحين مغرق ثيااابه ..

كيف يرجع وهو مسفووك دمه يااقلبي عليك ياهادي ياااقلبي عليك يوووومه

هديل شاركت امها النووح\يوومه تكفييين بس تكفييين ..ارجعيلنا يومه ارجعي والله محتااجينك ابووي واخواني وانا

والله محتاجينك .. هادي الله بينجيه منهم وبيرجع بعوون الله بيرجع ..

ام علي\ياليتني القى طريقة وارد الزمن ياهادي ياليتني افديييك بكل ما املك حتى عيوني ونظرها
..

ياهديل ذبحني الشووق له ذبحنييييييييييي اقربي مني تعاالي بحضني ابي اشم ريحته ابي اشم ريحته

كل يوم اضم هديل واتخيلك فيها كل يوم ..عذبتها من كثر ما ابكي وابكيها ..

 
بعد ماسدحت امها طلعت من الغرفة وقابلت ابوها اللي حالته ماتسر ابد ..

اسواء من حال زوجته بس متصبر ..

ابوعلي\وين امك ؟؟

هديل تمسح باقي دموعها\نامت يوبه

هذا رووحي وقطعة مني هذا غلاااي ودنيتي ..راافقني من يومني نطفة في بطن امي ..

ويوم ولدت انولد واياي ..كبرت وكبر معاااي ..يااويل قلبي عليك ياهاادي

يااارب يااارب رحمتك قبل عذاابك ..يارب اجمعنا بهادي اجمعنا فييه ..

ريح قلب ها الشايب والعجوووز ..يااارب ارفق بحالنا .. اللهم افده برووحي ودمي اللهم ارجع
ضي عيني الي ..

ياربي ياحبيبي اجمعني بنوور دربي ..>>

 
غادة\هديل حبيبتي ارفقي بعمرك.. مايصير تواسي امي وماتواسي نفسك

هديل انهارت\ياويل قلبي ياغاادة بامووت مخنووقة ابي اشووفه ابي اكلمه محتاااجة اضمه ياغاادة والله

غادة\وانا مشتاقة له مووت الله يبشرنا برجوووعه ورجووع سلمان معه

هديل\انتوا مو فاهمين هادي توئمي رووحي ماعاد اقدر على فراقه ابي اشووفه ابي اسمع صوته..مدري
هو مشتاقلي مثل ما انا مشتاقة له

مدري فاقدني ويضيق مثلي ..دبريني ياغاادة ريحي قلبي

غادة\ياروحي انتي اكيد فاقدك وفاقدنا كلنا .. احنا الحمدلله شوفينا مع بعض موجودين حواليك بس
هو بعييد ومتغرب

ضيقته وحزنه اشد منا وخوفه علينا وعلى حالنا ..قومي ياروحي قومي نامي فديتك ..

 
واول ماحطت راسها ع المخدة وتمر في بالها تفاصيل هذاك اليووم المشئوم يوم وصلهم الخبر
..وكانه صاار الامس ..

كيف دخل عمها عليهم وفجعهم با الخبر ..

ابوراكان\ياحسين الحق الحق ربي غضب علينا عيالنا رااحوا ياحسييين عيالنا رااحوا ..

خذاهم ابليس في ساعة غضب

ابوعلي\ انت وش تقوول وش العلم اللي وراااك انطق ذبحتني اننننطق

ابوراكان\هادي وسلماان قتلوا لهم رجااال من عرب ال جالي

ابوعلي بصدمة\والله ان تقوول غير ذا الكلام تكفى يا اخووك لا تكسر ظهري تكفى ياعلي
لا تفجعني في ولدي

ام علي بصرااخ\يااااويل قلبي غلييك يووومه يااويل حااالي عليك ياهاااادي ..

رااح الولد يا حسيين بيذبحوون ولدي

ومرت سنة وكان الجريمة صارت امس .. والجالي لسات قلوبهم حااقدة وبااغضة لقبيلة ال جاسم
عاامة وعائلة اليحيى با الخااصة

 
وكم حااولت القبايل الثانية تدخل في الموضوع وتصلح بين القبيلتين ..بحيث يرضون ال جالي با
الدية عن راس ولدهم اللي انقتل ..

بس كان الراي الاول والاخير بيده هو لوحده ..

شخص واااحد كانت الكلمة له ولا يثنيها .. ولارضى بكلام ولا وسااطة في رااس اخووه
..

مايبي الا راس هادي لان هادي هو اللي قتل اخووه ..

انسااان اول صفة تذكر عند وصفة هي القسوووة الغلضة ..لا كلام بعد كلامه ولا شور
بعد شوره ..

لايهتم با المشااعر الانسانية ولا يعترف بوجود الطيبة والسلاام ..

مخلووق من طين ولكن مصقووول كا الجلموووود..

ومع انسان كهذا لاوجود لبصيص الامل بعودت هادي وسلمان ..

…..\ يعني ماعندهم نية يرجعوون السعودية ؟؟

التاابع \ لا طال عمرك مارجعوا السعودية .. وابوعلي وابوراكان وشيووخ من قبيلتهم كل يومين
وهم جايين

للقصر يبوونك ..ويبوون يجيبون معهم جاهة من باقي القبايل يبوون يصلحون بينكم ..

….باابتسامة سخرية\جهز اللي قلتلك انا نازل السعودية

قفل الخط وهو يتوعد ..طيب ياهادي مصيرك ترجع اول ماتسمع الخبر ..

انا مااسويت شيء انت اللي بديت يا البزر وتطاولت على اسياادك ..

ومثل مايقولون العين با العين والسن با السن ..

وانا اقووول الاخ با الاخت ..

والله لاحرق قلبك وقلب هلك وقبيلتك عليها ..

واجعل هامتكم تحت ماطااااي..

دمك ماهو مرجعلي اخوي ..

بس اختك توئمك بتحرق قلبك مثل ما احترق قلبي على اخوي..