السلام عليكم
هاذي روايتي الثانيه البارت الاول ما وضعت فيه احداث كثيره و قصه انشاءالله بتعرفوها في
الاحداث الاجايه هو مجرد تعريف بشخصيات الرويه و لمحات من قصه عشان تتوقعون شنو يصير
بعدين
البارت الاول
صحت اريام من النوم الساعه 5 ونص الفجر كعادتها صلت الفجر و تصحي اخوانها من
النوم
توجهت لغرفه ساره
اريام : ساره يلا قومي ….. ساروه وجع كل يوم هالسالفه يعني
ساره و هي تغطي وجها باللحاف : ما ابي اروح اليوم
اريام : في احلامك ما تروحين …هاذي اخر سنه لك في ثنويه و تخلصين
سحبت اريام اللحاف عنها و بصوت عالي :يلا قومي لا تاخريني على الجامعه
ساره : افففففف قمت قمت
توجهت اريام لغرفه سلطان اللي توه داخل البيت من غير ما احد يحس و راح
غرفته و دخل الحمام بدل ملابسه و على طول راح لسريره يعمل حاله نايم
اريام : سلطان يلا قوم للمدرسه الساعه 5 ونص
سلطان يعمل حاله يتثاوب :طيب طيب
اريام : لا تتاخر انا باخذ لي شاور على مالخدامه تجهز الفطور
سلطان : اوككي
بعرفكم على عائله ام سعود
سعود : ولد كبيره عمره 28 سنه يشتغل ضابط ابيضاني و معضل
اريام : عمرها 22 سنه تدرس هندسه ديكور في جامعه الامير محمد بن فهد شعرها
طويل و اسود موصل ل اردافها حنطيه بشره ملامحها جدا عاديه و عندها بشره صافيه
اما جسمها وسط لا هي ضعيفه و لا هي دوبه
ساره : 18 سنه (ثالث ثنوي ) اجمل وحده في البيت عكس اريام بكل شي
في صفات و شكل هي بيضاء و عينها عسليه شعرها بني موصل لرقبتها (قصه فكتوريا
) »اهم شي هع .. و جسمها عارضه ازياء و احلا
سلطان : 15 سنه (ثالث متوسط) ولد طايش راح تتعرفون عليه في باقي روايه
ابو سعود : اتوفا قبل 10 سنوات بحادث سياره
ام سعود : تزوجت و هي صغيره بزنس ومن فتحت لها مركز فيه رياضه و
مسبح و مساج و كوافير و خياطه يعني كل شيء و فتحت لها فروع في
داخل سعوديه و خارجها في دبي و قطر و دائما مسافره تغيب عن البيت ب
الشهر و مسؤليه ساره و سلطان على اريام
راحت اريام خذت لها شاور و لبست لها بنطلون جنز اسود مع بلوزه شيفون بنفسجي
ؤ حلق لؤلؤ صغير و تعطرت بعطرها و خذت اغراضها و نزلت تحت في غرفه
طعام
ساره : صباح الخير
اريام : صباح النور…. تبين عصير او حليب
ساره : عصير … اذا فكرت ادخل جامعه … اذا فكرت لان اساسا مو ناويه
اكمل دراسه بروح جامعه الامير محمد تدرين ليه
اريام : ليه
ساره : لان يتركونك تلبسين على راحتك اكشخ على كيفي مو مثل بعض جامعات ثانيه
تنوره طويله و قميص
اريام : انتي ليه ما عندك هدف في الحياه
ساره : و من قال ما عندي انا راح اتزوج واحد عنده ملاين و بخليه
خاتم في اصبعي بخليه مثل المجنون و انا اساسا الف واحد يتمنا ياخذني كل يوم
و ثاني داقين يتقدمون لي بس امي الله يهديها ما ترضى لان بعض الناس (تناظر
اريام ) واقفين في طريقي بيعنسون و بعنس بسببهم
اريام فهمت قصدها بس اتعودت على كلام اختها الجارج و بينت انها مو مهتمه :
انا في سياره انتظركم
و هي بتطلع من الغرفه شافت سعود
سعود : صباح الخير اريوم
اريام و هي متضايقه : صباح النور و مشت عنه )
شاف ساره و هي تفطر و فهم موضوع
دخل سعود و جلس على كرسي : وبعدين معك لمتى بتظلي وقحه اختك توها 22
مو 30
ساره : انا ماقلت شي غلط و لا مره جا احد تقدم لها و انا
من متوسط واحد ورى ثاني يجي لي
سعود بنبره تهديد : ساروه انا انبهك احترمي نفسك و لا راح تشوفين مني شي
عمره ما راح يرضيك
ساره وقفت : اففف منك سديت نفسي باي ( و طلعت بسرعه )
سعود و هو يصرخ : حسابك مو الحين الوعد لما ترجعين هين انا ارويك
وصلت اريام ساره و سلطان للمدرسه و قالت لسايق يروح الجامعه ..دقت عليها صديقتها جنا
جنا : هلا اريومتي
اريام : هلا فيك
جنا : اريوم بطلب منك طلب
اريام : امري ياقلبي
جنا:ما يامر عليك عدو بس بقولك اليوم ما بحضر و ابيك تسجلين لي محاضرات
اريام : خير فيك شي تعبانه
جنا و هي مستحيه : لا و لا شي بس اليوم عيد زواجنا انا و
تركي
اريام: اوخص على حركات اجل ما بتجين بكره
جنا : ليه عادي بحضر بكره بس اليوم مقدر لاني بجهز
اريام : لاه ياشيخه الليله ما راح تنامين الاخ تركي مستحيل يتركك تنامين
جنا و هي مستحيه : ارياموه وجع الشره علي انا اللي دقيت عليك
اريام : هههههه و انا صادقه احد يشوف هالجمال عنده و يقاوم مستحيل
جنا : سخيفه باي
اريام : ههههه باي
(جنا صديقه اريام من طفوله عمرها 22 تزوجت تركي قبل سنتين و عايشه معه احلا
حياه )
******************************
فيصل : صباح الخير يالغاليه
ام فيصل : هلا يانظر عين امك تعال افطر
فيصل : لا بروح الشركه عندي اليوم اجتماع مهم دعواتك يمه
ام فيصل : الله يوفقك و يسهل لك دربك
مريم و هي تتثاوب : صباح الخير
فيصل : تو الناس الجرس دق من زمان و الحصه الاولى بتخلص و انتي توك
صاحيه
مريم : يالله صباح خير ،، احمد ربك اني بروح كلمه ثانيه و ارجع اكمل
حلمي قطعتوه علي
فيصل : اتكلمي عدل … و انتي في ثنوي الحين لازم تجدين شوي
مريم : يصير خير افكر
فيصل : انا الغلطان اللي مكلم وحده بزر مثلك .. انا بروح يمه تامريني على
شي
ام فيصل : سلامتك
فيصل : مع سلامه
ام فيصل : الله يسلمك …. انتي ما تعرفين تتكلمين بحترام تقولين حاضر اخوي على
امرك
مريم و هي تاكل بسرعه و الاكل في فمها : يمه انا ما قلت شي
غلط
ام فيصل : قومي عن وجهي لا اكب عليك كوب الحليب (بصوت اعلا ) قومي
وقفت مريم : انا اول مره اشوف ام تقول لبنتها ما تفطر بدال ما تقولين
لي ما تروحين الا لما تعبي بطنك كيف اركز في الحصه لازم يكون عندي نشاط
و تركيز لازم اكل و …
رفعت ام فيصل كوب الحليب و سحبت مريم شنطتها و ركضت للباب و طلعت
راشد : صباح الخير يمه
ام فيصل : صباح النور
راشد : شفيكم صراخكم واصل عندي لفوق
ام فيصل : اختك مريموه و جنونها ما تعرفها يعني
راشد و هم يبتسم : نكته هالبنت
ام فيصل : ما اقول غير الله يعيني عليها
ما مداه راشد بيشرب الحليب الا دق عليه فيصل : الو هلا فيصل …..بس اليوم
عندي محاضره …. مقدر مهمه …خلاص عرفت …جاي خلاص ….خلاص ياخوي جاي لك الحين …
مع سلامه
قام راشد من طاوله طعام
ام فيصل : وين ما اكلت شي
راشد :ولدك ما يخلي احد يحك شعر راسه عن اذنك يمه
ام فيصل : حافظك ربي
عائله ام فيصل
فيصل :الولد الكبير عمره 29 سنه رجل اعمال بنا نفسه بنفسه و كون له اسم
في السوق حلم كل بنت تاخذه رجل ناجح وسيم و طويل و اسمراني و محدد
له سكسوكه زايده من حلاته
راشد : 20 سنه يدرس اداره اعمال و يشتغل في شركه فيصل و يشبهه في
الشكل
مريم 16 سنه (اول ثنوي) رجه حدها و كل يوم وثاني في الاداره عامله مصيبه
هي و شلتها راح تتعرفون على شلتها في الاحداث الجايه
ام فيصل :ام حنونه اهتمت بعيالها بعد وفاه بوفيصل و خذت مسؤليه الى ان كبر
فيصل و تحمل مسؤليه كلها و معيش اهله احسن عيشه
******************************
في مدرسه مريم
مريم و ناهد واقفين عند السور في الطابق الثاني
مريم و هي تناظر ابله امال تحت : شوفي ابله امال واقفه تحت كشتها كشه
احس ينبت بشعرها حديقه كامله
ناهد و هي تناظر غرشه المويه اللي بيدها :يعني لو كبينا على شعرها مويه تصير
حديقه
مريم فهمتها ؛ ههههههههه بالضبط
ناهد :واحد ….. ثنين …. ثلاثه(و كبت على شعر ابله امل من فوق المويه. و
ما سمعوا الا صرختها ناظرت امال فوق و شافت مريم و ناهد وهم يضحكون و
معاهم غرشه المويه سحبت ناهد مريم و هربوا الحمامات )
امال و هي تصرخ : هين ان ما فصلتكم ما اكون امال
في حمامات المدرسه دخلوا مريم و ناهد و هم يضحكون
فجر : بسم الله هالضحكه وراها مصيبه اخلصوا ؤش صار
شيماء : من الحين اقول لكم انا مالي دخل مو مثل كل مره مصيبه تكون
كلها علي مثل هذيك المره لما كنتو بطيحون ابله شروق و طاحت مصيبه على راسي
ناهد : و ياليت تحقق الشي اللي نبيه و طاحت العله
مريم :و لا يهمك يانهيد ما طلبتي شيء مره ثانيه تضبط و طيح
فجر : الله اكبر عليكم و على عقولكم
ناهد : يافجر كبينا مويه على ابله امال
مريم : وما سمعنا الا صرختها و ركصنا هنا على طول
شيماء شهقت بقوه و حطت ايدها على صدرها :يممممه مجانين
فجر : الله حماس
ناهد : انتي شتسوين هنا اكيد الابله طردتك
فجر : تخسي تطردني اتهاوشت معها و طلعت بكيفي
مريم تكلم شيماء : و انتي ؟!
شيماء : استاذنت من الابله ابي اروح الحمام و طلعت و ما راح ارجع …انتو
احمدو ربكم ان احنا في مدرسه خاصه و لا كان من زمان انطردنا
(دخلت عليهم المديره و الوكيله )
المديره : ماشاءالله مجتمعين
شيماء بهمس مسموع : طاحت علينا (دزتها فجر عشان تسكت )
الوكيله : بسرعه قدامي كلكم على الاداره
مريم :طيب بكره منروح توني امس عندكم مليت خلوها بكره ما مداني اشتاق لكم
مديره بصراخ :بلا كلام فاضي و قدامي بسرعه
فجر : ابله مو زين تصارخي في الحمام (وهي تنفث على روحها )
المديره بصوت اعلا : و بعدين
و راحو كلهم على الاداره كالعاده
شله مريم
مريم تعرفنا عليها
ناهد صديقه مريم و عقل المفكر لشله
فجر داشره بس شاطره نعمومه كثير و قصيره بس ترادد ما تعرف من اللي قدامها
مديره او ابله و دائما هاربه
شيماء هي اللي تهديهم اذا بيعملون مصيبه بس ما تقدر عليهم بس ناهد و مريم
يسحبونها معهم و طيح المشكله على راسها دائما
(في مكتب فيصل )
تركي : الاجتماع بيبتدي بعد نص ساعه اوراقك جاهزه
فيصل : ايه جهزت كل الاوراق شنو صار على مبني الشركه الجديد
تركي : مابقا شي و يجهز
فيصل :تروك
تركي :اصغر عيالك انا على الاقل في العمل احنا نادني عدل
فيصل : هههه طيب استاذ تركي ممكن اليوم بعد الاجتماع نروح القهوة نشيش
تركي : و الله اذا ناوي جنا ما دخلني البيت سنه اروح معاك
فيصل : الله اكبر ليه
تركي : اليوم عيد زواجنا
تركي : الله على الحركات اجل الليله بتجددون ذكريات اول ليله (و عمز له )
تركي : انت ما تستحي
فيصل : احد يكلم مديره بهالطريقه
تركي : اقول قم بس خلنا نروح غرفه الاجتماعات
(في الظهر الساعه 1)
ام فيصل تسحب مريم و دخلها البيت و هي تصارخ :دخلي لابارك الله فيك فشلتيني
حفظوا وجهي من كثر ما اروح لهم كل يوم عامله مصيبه متى راح تعقلين في
احد يكب مويه على ابله ردي
مريم : طيب يمه ايدي المتني اتركيها
ام فيصل : ياجعلها الكسر قولي امين
مريم سحبت ايدها : يربي في احد يدعي على بنته بديت اشك انك امي
ام فيصل : ايلي ما تستحين على شينها قوات عينها بعد
مريم :خلاص يمه اخره مره … بعدين كل منك قلت لك بفطر ما رضيتي شفتي
قلت تركيز شنو تسوي (ؤ هربت على طول غرفتها )
ام فيصل : هين يامريموه ارويك اففف ياربي تعبتني هالبنت خلاص موقادره عليها …ميري ميري
ميري : يس مدام
ام فيصل : جيبي لي كاس مويه عطشتني هالبنت
ميري : طيب مدام
ام فيصل : لازم ادق على مركز ام سعود احجز موعد عند الخياطه
ام فيصل : الو مركز ام سعود
موطفه : هلا حياك
ام فيصل : في مجال اجي اليوم للخياطه بعد صلاه عشاء
موطفه : من معاي
ام فيصل:ام فيصل ****
موطفه عرفتها : هلا طال عمرك اكيد اي وقت تقدرين تجين.
ام فيصل : اجل راح اجي بعد صلاه العشا انشاءالله
****************
دخل سعود المكتب و هو متنرفز : اففف اذاني هذا ماسكينه امس و هو يسرق
البيت و يقول اخر مره
فهد : هدي يا اخوي شفيك اتعودنا على الاشكال هاذي
(دقت اريام على سعود)
سعود : هلا اريام
اريام : هلا فيك … امي دقت علي من قطر تقول تبي تجي العصر بس
ما حصلت طيران تقول كلم احد من معارفك يدبر لها تبي تجي فرع اللي في
دمام ضروري
سعود :طيب باي
فهد : خير صاير شيء
سعود : لا بس بحجز ل امي طيران
انا اليوم العصر لازم اروح مقبره
فهد : و انت للحين على عادتك تروح عند قبرها يخوي خلاص انسا
سعود بنبره حاده :و انت للحين تسال و اجاوبك نفس الجواب سهى ما راح انساها
( بنبره حزن ) انا صح ما عشت معها تحت سقف واحد بس عشت معها
احلا ايامي و اللي يسلمك غير موضوع
فهد : الله يعينك
*****************
(المغرب في بيت ام سعود )
ساره و هي تتفرج على تلفزيون جابو مقابله مع فيصل
ساره : يجننننننن ه الانسان اخ بس لو اخده احرق قلب كل بنت
اريام : الحمدالله و الشكر
ساره :عمره 29 سنه بس شوفي الفلوس اللي عندي
اريام : و عارفه عمره بعد
ساره : اكيد هذا حلمي (و هي تناظر في اريام ) بس شكله بيخترب من
بعض الناس
اريام : انا لله و انا اليه راجعون
دخلت ام سعود :سلام عليكم
ساره :ماااماتي اشتقت لك كثير (راحت و حضنتها )
اريام : الحمدالله على سلامه يمه
ام سعود : الله يسلمكم الا وين سلطان و سعود
اريام : سلطان نايم و سعود في العمل
ام سعود : اها …. المهم يمه سمعوني بعد صلاه العشاء بتروح ام فيصل بتجي
المركزعندي ابيكم تجون معي
ساره:قصدك فيصل ***
ام سعود : ايوه امه اللي بتجي
ساره و هي تصارخ : وواااااو ماما اكيد انا احلم حلمي بيتحقق
اريام : يمه اتركي ساره تروح انا ما ابي
ام سعود : انتي الكبيره يمه ماعليك من هالبزر
ساره :فيصل لي انا و بس يمه و بتشوفون راح اضبط امه و اليوم بعد
اريام : عليك بالعافيه انا ما ابي اتزوج
ساره : حاصلك هو عشان تقولي لا ما احد جا و دق لك الباب
ام سعود : ساروه وجع وش هالكلام
اريام : ساره هي اللي بتروح انا من شفته ما ارتحت له حسيت انه مغرور
عن اذنكم بروح غرفتي باي
************
في شركه فيصل بعد الاجتماع
فيصل : خلاص تعبت بروح البيت و بنام على طول
راشد : و انا تعبت طول الاجتماع وش ذا طول اليوم
تركي : انا بروح البيت لا اتاخر
فيصل : اسمع من الحين اقولك بكره من ساعه 7 و نص اشوفك في المكتب
مو تتاخر و تقول ما قدرت تصحا و السبب رومنسياتك الليله
تركي : الا من الحره تتكلم ما عندك حرمه مثل حرمتي
ما تلاقي مثلها في دنيا كلها
راشد و هو يصفق و يصفر : عاش الرومنسي وينها تسمع الكلام هذا
فيصل : لا يكثر و روح لها لا تتاخر و لا بعدين ما راح دخلك
البيت سنه
تركي و هو يناظر ساعه : ايه و الله يلا سلام
*****************
في بيت ام سعود
لبست ساره ثوب تركواز لنص فخذ عاري الاكمام و كحل ازرق من تحت العين و
قلوس وردي ناعم و صندل كعب عالي فضي مع كرستالات
ساره : شرايك يمه
ام سعود و هي مبتسمه :ماشاءالله ؤش هالحلاه يمه
بس ودي اريام هي اللي تجي
ساره :يمه حتى لو جات اريام ام فيصل بتختارني انا و فيصل بس لي انا
،،،، انا ما صدقت اني لقيت هالفرصه اعطيها لغيري مستحيل راح اخلي ام فيصل تجن
علي الليله
ام سعود بعدم اقتناع : طيب يلا مشينا
*************
وصل تركي للبيت و راح الغرفه و شافها غير تمام الورد و بالون على الارض
و عامله قلب على سرير ب اوراق الورد الابيض و الاحمر و طاوله عليها كيكه
و هديه مغلفه و جنا واقفه عندها : كل عام و احنا بخير
اما تركي جن على شكلها كانت لابسه ثوب وردي لنص الفخذ و كت من فوق
مع حركه بسيطه عند صدر و محدده جفنها بالكحل السائل و روجه ورديه هادئه
تركي : هلا و الله
حضنها من وراء وباسها في رقبتها و همس لها : انا مشتاق لك كثير
توترت جنا منه بعدت عنه :اممم نقطع الكيك اول
سحبها من خصرها لحضنه و صار يوزع قبلاته في نحرها و كتفها و يهمس لها
: و ليه كيك و انتي الحلا كله
فتح سلسال ثوبها من وراء بس هي بعدت عنه و هي متوتره
جنا :بس انا ….انا عندي جامعه بكره و …
تركي و هو يعقد حواجبه و يعمل حاله زعلان : يعني الجامعه اهم مني
جنا : لا اكيد بس يعني ما تقدر اتاجله لبكره الاربعاء
تركي : لا طبعا انا من شفت (باسها بوسه خفيفه على شفايفها ) دخت …
بعدين وش ورانا اليوم و بكره ما عندنا شي
حملها و حطها على سرير و و بعدين *********** *_^
توقعاتكم
شنو ناويه تسوي ساره و هل بتحقق اللي تبيه او لا
