بعد ارتفاع اسعار البطاطس ، شن ابناء الحفر حملة ( ماظنتي ياعبيد تاكل بطاطا )
تضامنا مع عبيد الذي يعشق البطاطس .. وانحرم من البطاطا والبوتيتا بسبب ارتفاع السعر مما
سبب له حالة نفسية ، اضطر ابناء حارته لمساندته بهذه الحملة …. صحيح بان الحملة
ماخلت عبيد ياكل بطاطا على طول ، لكن ابشركم عبيد الحين ياكل بطاطا
عموما لازلنا بانتظار حملة ( ماظنتي ياعبيد تاكل طماطا) تضامنا مع عبيد اخر يعشق الطماطا
وللمعلومية ( ماظنتي ياعبيد تاكل بطاطا ) هو مثل شمالي بمعنى : ماظنتي راح تحصل
اللي تبيه وتريده ياعبيد
حكم وامثال عنزه
1/ ابلشتني بلشت هل التلعه ( وهذا مثل معروف عندنا يالفدعان ………. لاني فدعاني )
وينقال هذا المثل اذا وازاك واحد اوبلشك
2/ درب سعيد درب ربعه : وينقال هذا المثل للي يقلد .
3/ ماكل صيد حبارى .
4/ جربوع لحاله ولا ارنب مخشور .
5/ كل مشروك مبروك.
6/ عيرني معياره واركبني حماره ( الله يكرمكم )
7/ صاير لي ابن مهيد ( ويضرب للي يسوي حاله كريم وهو ماعنده لون )
8/ ربك اليا بغى يقرد النمله حط لها جنحان .
9/ اعرفه من سنة الدفرات ( وهذا ينقال اذا سئلك واحد وقالك تعرف فلان او
الشي الفلاني تقوله اعرفه من سنت الدفرات )
10/ على وجهك يالرويلي .
11/ يجيك عفنن يسد عنك ضو الشمس ( محشومين من العفانه )
12/ الخبال لو انه بتلعه كلمن جنب عنه ( محشومين من الخبال )
13/ كبدن ملسى تاكل وتنسى .
14/ بدوي طاح بعصيده .
15/ اتبع مبكينك ولا تتبع مضحكينك .
16/ فلان خبلن ياكل الطيطه ( الله يكرمكم )
17/ صرت لي مثل الشق على …… لاينشكي ولا ينرقع ( الله يكرمكم )
18/ انا عنزي اكل من طرف معزاي .
19/ انت ماجبت حق طهارتك (طهارت الورعان الصغار )
20/ ماظنتي ياعبيد تاكل بطاطا.
21/ هذا بلا ابوك يا عقاب.
22/ من عقب مامات .
23/ الحسود بعينه عود.
24/ حشمة الكلب من حشمة اهله ( الله يكرمكم)
25/ الادمي حشمته بيده .
26/ مقابل العيش ولا مقابل الجيش .
27/ اللي ما يعرف الصقر يشويه.
