لحوواشى
المقادير
لحم مفروم ملبس وباضيف له قطعة لية خروف حسب الكميه المهم اللحم يكون دسم
وباضيف سجق بلدي اسكندراني باقشره واضيفه للحمه وافتته بايدي بيضيف ريحه وطعم خياليه
موجود في بعض السوبر ماركت باشتريه من المحمل
لونصف كيلو لحم باضيف نص كيلو بصل ولو كيلو باضيف كيلو الا ربع وهكذا
خلي بالك البصل والفلفل الاخضر هو الي بيسوي اللحم
ومن غير العيش ما يتحرق
فلفل اخضر وفلفل شطه حسب الرغبه
عيش بلدى يكون سميك وفاتح اللون وسهل الفتح
ورق زبده وفويل
التوابل
جوزه الطيب فلفل اسود بهارات لحم بهارات سجق
قرفه جنزبيل بودر توم بودر بصل بودر
كبابه صينى شعرة قرفه وحسب كمية اللحم
فلفل شطه حسب الرغبه ملح
الطريقة
اخلطي كل التوابل والبصل المخرط والفلفل الاخضر المخرط
والملح مع بعض كويس جدا
ودخلي الخليط التلاجه لا يقل عن ساعتين
افتحي رغيف مع ترك جزء بسيط بدون فتح
وزعى جزء من الخليط داخل الرغيف بالتساوي حتى الانتهاء من الكميه
وتكونى مجهزه طبق به ميه وقليل من الزيت او السمنه
جهزي ورق زبده واقطعيه مدور بحجم الرغيف وبللي ايدك بقليل من الماء الي في الطبق
وامشي بها على الرغيف من تحت وفوق وضعي ورقه من الزبده فوق وتحت الرغيف
ولفيه كويس في فويل واحكمى الغلق لان البخار المكتوم جوه الفويل هو الي هيسوي الرغيف
دخليه فرن متوسط الحراره على اول رف على الصاجه نفسها
ويكون الرغيف بوضعه الطبيعى وبعد شويه وحسب حرارة فرنك اقلبي الرغيف على وجهه
يستوي كويس ويتحمر قليلا خرجيه من الفرن واتركيه بلفته دقيقتين حتى لا يجف
المهم تقفليه كويس اكتمى البخار جواه علشان يبقى طري من جوه ومقرمش من بره
وبالف صحه وعافيه
التسويه
في الفرن افصل طبعا وما بياخدش وقت
ممكن نقطتين زيت في صينيه او طاسه سميكة القاع وعلى نار هاديه جدااااااااا
واقلبيه على الناحيتين واوعي يتحرق منك
وبالف صحه وعافيه
هانزل لحضرتك الخطوات مصوره
وطريقه الحشو واللف
لو سمحتم وارجوكم بلاش الي بتدخل تعلق بحرف
يعنى الي بتنزل وصفه وتصور وتعمل بوست
وتكتب الطريقه وتتعب
في الاخر تكتبي حرف علشان تاخدى المزيد وبدون كلمه طيبه
الكلمه الطيبه صدقه !!!
الله المستعان يعنى اول تعليق ينزل على الوصفه حرف
على العموم حذفته
ربي انى مسنى الضر وانت ارحم الراحمين
الاخت الي دخلت كتبت حرف وخرجت واول تعليق ينزل
قفلتينى على الصبح
شكرا لذوق حضرتك
انا حذفته لحضرتك
