حاره الزين
ياليتني في حارة الزين خباز
اسابق المذن واسوي عجينه
ابيه لاصار للخبز معتاز
امد له الخبز والمس يدينه
و اولع التنور وارفع على الغاز
ولو احترق فدوه لرمشه وعينه
امنية
انا من كثر ماصار يهمني
ماعاد افرق بين خيره وشره
تمنيته بسيارته يصدمني
علشان التقي به ولو مره
المشكله مع الوقت يخذلني
ادري به ماينوي لي المسره
ويحقق لي امنيتي ويصدمني
وما كل مره ترى تسلم الجره
غلاك
غلاك يسوق قلبي ما معه رخصه ولا تامين
لك الله رابط حزام المحبه في شراييني
من زود حبك
من زود حبك قمت البس الثوب مقلوب
وانشد عن الغتره وهي فوق راسي
حبك مسدس
حبك مسدس كاتم الصوت
يرمي الهدف حتى يصيبه
افحط
افحط عشانك لو انقلب واموت
واكتب على اللوحات لعيون خلاني
حبك عسل
مادام حبك عسل مخلوط بالقشطه
لاتلوم قلب شرا بريال صامولي
العجاجى
الحظ عجه والحبايب قراطيس
ومن يلحق القرطاس وقت العجاجى
