مسائكم فل وعنبر
مفيش احلي م الخبز العربي
والصراحه من يوم مااشتريت الخبازة وانا مش جايلي نوم الا ما اجرب فيها يعني احلل
الفلوس اللي دفعت فيها
جاه علي بالي اعمل للاولاد بيتزا الصاج وف نفس الوقت اجرب الخبز بعجينة خبز الصاج
والصراحه طلع روووعه
المقادير:
4 كوب دقيق
4 م ك حليب بودر
2 م ك سكر
2 م ك خميرة فورية
نصف معلقة صغيرة ملح
ماء دافي ع حسب الدقيق انا اخد مني حوالي 2 كوب
الطريقة:
نضع كل المكونات مع بعض ف العجانه ونضيف الماء بالتدريج ونعجن
وذي ما انتوا عارفين بحب اكمل عجنها بيدي
ونغطيها ونتركها ف مكان دافي حتي تختمر
ثم تقطع الي قطع صغيرة
ثم تفرد كل قطعة
وتحشي بالحشو انا هنا حشيتها زعتر وحطيتها ف الخبازة
ودي باللبنه مع جبن موزاريلا والتانية حطيت جبن شيدر
عملت تشكيله مختلفة قلت استفيد منها مش لازم ف الخبز بس
وده الخبز اول ما يرتفع تفتحي عليه
وده شكله
خبز النخاله
مقادير خبز النخاله:
كوب دقيق ابيض
كوب دقيق بر
نصف كوب رده اللي هي النخالة
م ك سكر
م ك خميرة
رشة ملح
حوالي كوب ماء دافي للعجن
الطريقة
تعجن كا المعتاد ونتركها تختمر
ودي شكل النخالة للي ما يعرفها
ثم تقطع وتفرد
ثم يخبز ف الخبازة الكهربائيه
وده شكله
وهنا حمرت طعميه ( فلافل) مصري ودي طبعا عشان
حبيبتي بلبلة لانها قالت انها بتحبها
وقلت يلا خلي الحشو كله طعميه زهقنا م الاجبان
وضيفت لها طماطم مقطعه وخس وشطه حارة
واللي يحب يحط صوص الطحينه براحته بس انا بقلل ف الدسم
والخبز ده حلو جدا للي بيعمل ريجيم وكمان صحي
وواحد جبنه قشقوان قليلة الدسم مع شيدر( لزوم الطفاصة)
ولفيته ف ورق الساندويتش
ودول كلهم يابلبلة ليكي لوحدك ومش تخافي صحي وخفيف
دي التشكيلة كلها
دا الخبز حلو جدا جدا
