طرق اعمال العجات بالبيض
انهاردة هقدملكو كيفية عمل العجة المصرية على كيفية جدتى
انتو عارفين دي اكلة من التراث الشعبي المصري و كمان مغذية و مفيدة جدا جدا جداااااااا
يلا تعالو عالمطبخ
المقادير تكفي صينية واحده
10 بيضات
2 حزمه بقدونس
2 حزمه كزبره
1 حزمه شبت
كوب صغير دقيق
بصلة كبيره
حبه طماطم متوسطه
قرن فلفل بارد او حامي حسب الرغبه
الطريقه
عالنار البصلة بتصفريها بالشكل ده
بعدين تشيلها من عالنار و تحطيها فطبق و عليها هنقطع الخضرة و الفلفل و الطماطم قطع صغار و هنضيف عليهم البيض بالشكل ده
هنقلبهم كويس جدا جدا و هنضيف الدقيق و برضو هنقلب كويس جداااااااا لحد ما الخليط كله يتجانس مع بعضة كده
بعد كدة هنحط الخليط فالصينية كده
هندخلها الفرن فالرف الوسطاني و نسيبها تستوي براحتها لحد ما نوصل للون الذهبي الرائع و كمان هنغرس سكينة فقلبها عشان نعرف اذا كانت استوت و لا لا و دة شكلها لما خرجت من الفرن
- طريقة عمل العجة بالبيض والدقيق